Қызылорда облысында жоғалып кеткен АН-2 ұшағының экипажы 8 сағаттан кейін табылды
Кеше ТЖМ кезекші бөліміне Қызылорда облысында «Таң-Құмкөл» бағытында ұшқан бортында 3 адам бар АН-2 ұшағы жерге қонуға мәжбүр болғаны туралы хабарлама келіп түсті.
Алматы, NEGE. Олардың қайда екені белгісіз еді, байланыс болмады.
Жедел іздестіруге ТЖМ барлық күштері мен құралдары тартылды. Сондай-ақ іздестіру жұмыстарын жүргізу үшін ҚР ТЖМ «Қазавиақұтқару» АҚ тікұшағы жұмылдырылды.
Іздестіру тобының жедел және үйлесімді іс-қимылдарының арқасында 8 сағаттан кейін түнде жоғалып кеткендер ай даладан табылып, Қызылорда облысы Сырдария ауданы Тереңөзек кентіне жеткізілді.
Оларға медициналық көмек қажет болған жоқ.
