Қызылорда облысында бюджет қаражатын өз мақсатына пайдаланған бас есепші сотталды
Арал ауданындағы мектептің бірінің бас есепшісі бұл заңсыз әрекетін өзінің қызметін пайдаланып, 2023 жылдың қаңтар-2024 жылдың тамыз айы аралығында жүзеге асырған.
Алматы, NEGE. Ол штаттық кестеге сәйкес жалақыдан бөлек өзінің есепшотына негізсіз артық қаржы аударып, бас пайдасына жаратқан.
– Бұл іс әрекеті әр ай сайын жалғасып келген. Еңбек демалысы кезінде де өзінің есепшотына ақша аударған.
Тергеп-тексеру барысында сотталушының жасаған қылмыстық әрекеті салдарынан мемлекетке жалпы сомасы 20 млн теңгеден астам шығын келген.
Сот шешімімен бас есепші ҚР Қылмыстық кодексінің 189-бабы 4-бөлігінің 2)тармағымен кінәлі деп танылды. Ол қаржылық материалды жауапты қызметпен айналысу құқығынан 10 жылға шеттетіліп, 7 жылға бас бостандығынан айыру жазасы тағайындалды. Ол жазасын қылмыстық-атқару жүйесінің орташа қауіпсіз мекемесінде өтейді. Сондай-ақ, мемлекетке келтірілген шығынды үкім заңды күшіне енген соң 2 ай мерзімде өз еркімен мемлекет пайдасына өндіру жүктелді, – деп хабарлады Қызылорда облысы бойыынша экономикалық тергеп-тексеру департаментінен.
