Қызыл Жарты ай қоғамы Иранға қолдау көрсетті
Қызыл Жарты ай қоғамының бас хатшысы Мохаммад-Хасан Гусиян КВИ-ге қарсы вакцинаның ең ірі партиясы Қытайдан Иранға жеткізілгенін мәлім етті, деп хабарлайды ИРНА агенттігі.
Алматы, NEGE. «Бүгін коронавирусқа қарсы вакцинаның миллион дозадан құралған партиясы Қытай Қызыл Крест қоғамынан Имам Хомейни атындағы әуежайға жеткізілді», – деді ол.
ИРНА мәліметінше, қазіргі кезде елде коронавирусқа қарсы бес вакцина шұғыл түрде екпе ретінде пайдалану рұқсатын алды. Бұдан бұрын хабарланғандай, сәуір айының соңында Иранда күн сайын 20 мыңнан астам жаңа науқас тіркеліп жатқандығы хабарланды.
