Қыздарды жатақханада ұлдардың бөлмесін жинауға мәжбүрлегендер сөгіс алды
Оқу-ағарту министрлігі Түркістандағы көпсалалы индустриалды-техникалық колледждің жатақханасында тұратын студент қыздарды ұлдардың бөлмесін жинап, әжетханаларды тазалауға мәжбүрлеген видеоға қатысты пікір білдірді.
Алматы, NEGE. Министрліктің хабарлауынша, Білім басқармасы арнайы жұмыс комиссиясын құрып, мән-жайды анықтау мақсатында жатақханаға барып тексеру жүргізді.
«ҚР заңнамасына сәйкес кәмелетке толмаған білім алушыларды жұмыс істеуге мәжбүрлеуге, сондай-ақ оларға қысым көрсетуге жол берілмейді. Бұл – бала құқықтарын бұзу және балалар еңбегін пайдалануға тыйым салатын талаптарға қайшы әрекет», – делінген хабарламада.
Белгілі болғандай, тексеру нәтижесінде жауапты тұлғаларға сөгіс түріндегі тәртіптік жаза қолданылды. Сонымен қатар студенттер мен ата-аналарға түсіндіру жұмыстары жүргізіліп жатыр.
