26 Тамыз 14:27
...
Қытайда су тасқынынан 190 мың адам зардап шекті
Қытайдың солтүстік-шығысында 190 мыңнан астам адам су тасқынынан зардап шекті.
Алматы, NEGE. Апат Хулудао ауданында болды. Онда 11 тұрғын қаза тауып, тағы 14-і із-түзсіз жоғалып кеткен.
Мыңдаған адам су құрсауынан шыға алмай жатыр. Құтқарушылар оларға тікұшақпен азық-түлік және қажетті заттарды жеткізуде. 28 елді мекенді су басқан. Электр желілері зақымдалып, кей жерлерде ұялы байланыс үзілген. Көлік қатынасы тоқтап, мектептер мен балабақшалар жабылды. 180-нен астам көпір қираған.
Жергілікті билік табиғи апаттан келген шығынды есептеп жатыр.
