Дүние
Қытайдағы індеттен бір адам көз жұмды
Қытай Ухань қаласында коронавирустың жаңа түрімен ауырған алғашқы адам көз жұмды, деп хабарлайды РИА Новости.
Алматы, NEGE. «Алдын ала диагноз қойылған коронавирусты жұқтырудың 41 жағдайы анықталды, оның ішінде екі адам ауруханадан шығарылды, жеті адам ауыр жағдайда, бір адам қайтыс болды, қалған пациенттердің жағдайы тұрақты», – делінген хабарламада.
Сонымен қатар, қазіргі уақытта 739 адам, оның 419-ы науқастармен тығыз байланыста болған медицина қызметкерлері медициналық қадағалауда. Әзірге олардан ауру жұқтыру белгілері анықталған жоқ.
Естеріңізге сала кетейік, 2019 жылдың желтоқсан айының соңында жергілікті билік Хубэй провинциясының Ухань қаласында шыққан беймәлім өкпе қабынуының өршуі туралы мәлімдеген болатын. Қытай сарапшылары 9 қаңтарда қауіпсіздік шаралары туралы айтып берді.