Дүние
Қытайда су тасқынынан тоғыз адам қаза тапқан
Қытайдың оңтүстігінде толассыз жауған нөсер соңы су тасқынына ұласты. Салдарынан жүздеген тұрғын үй мен егістік алқаптары су астында қалған.
Алматы, NEGE. Жергілікті БАҚ хабарлауынша, қазір табиғи апаттан миллионнан астам азамат зардап шегіп отыр. Айта кетейік, Қытайдың оңтүстігінде күн райының бұзылғанына бірнеше күн болды. 2 маусымнан бері тасқын салдарынан 9 адам көз жұмған. Тағы 5 кісі із-түзсіз жоғалып кетіпті. Қазір аймақта құтқару-іздестіру жұмыстары жүріп жатыр.