Қытайда метро стансалары жұмысын тоқтатты
Бейжіңде 60-тан аса метро станса жұмысын уақытша тоқтатты.
Алматы, NEGE. Бұл коронавируспен күрестің қосымша шарасы ретінде қабылданған шешім. Кейінгі тәулікте шаһарда індет жұқтырудың 50-ден аса дерегі тіркелді. Ауру ошақтары тіркелген аудан тұрғындарына басқа өңірлерге қатынауға тыйым салынған. Бұған дейін мұнда спорт залдарының жұмысы шектелген. Ал қоғамдық тамақтану орындарына меймандарды қабылдауға тыйым салынды. Бейжің жұрты аптасына 3 рет ПТР-тест тапсырып отыруы тиіс.
