Дүние
Қытайда көшеде бетперде тақпағандарды жазалайды
26-қаңтарда Гуандун провинциясының денсаулық сақтау комиссиясы қоғамдық орындарда бетперде тағып жүруді бақылауға алатынын хабарлады.
Алматы, NEGE. Өкпе қабынуына әкелетін қауіпті індеттің алдын алу және оның таралуына тосқауыл қою мақсатында қоғамдық орындарда, көшелерде бетперде тағу міндеттеледі. Бұл талапты орындамағандарға айыппұл салынады, ал кей жағдайда одан да қатаң жаза қолданылуы мүмкін екені ескертілді.
Ал Жапония тұрғындары індеттің ошағына айналған Ухань қаласының тұрғындарына көмекке 1 миллион арнайы бетперде жіберді. Қазіргі таңда коронавирусты жұқпа қоздырған өкпе қабыну індеті Қытайды қиын жағдайда қалдырып отыр. Індетпен күресте тіпті бетперде секілді профилактикалық құралдар жетіспеуде.