Қытай зерттеуі: коронавирус кімдерге қауіпті?
Қытай билігі коронавирус жұқтырды делінген 44 мың адамның жағдайын егжей-тегжейлі зерттегеннен кейін, оның алғашқы нәтижелерін жариялады. Бұл – індет басталғаннан бергі ең ірі ғылыми жұмыс.
Алматы, NEGE. Қытайдың ауруларды бақылау және алдын-алу орталығының мәліметтері бойынша, вирусты пациенттердің 80% -ы жеңіл қабылдаған. Яғни, ағзалары қауіпті індетті жеңген. Ал созылмалы аурулары бар адамдар мен қарт кісілер инфекцияны көтере алмаған, деп хабарлайды bbc.агентігі.
Жалпы, бұл жұмыстар вирустың қаупіне қатысты алдыңғы бақылауларды растайды. Алынған мәліметтерге сәйкес, жұқтырғандардың 80,9% -ында ауру жеңіл, 13,8% -ында ауыр және 4,7% -ында өте ауыр болды. Өлім саны 80 жастан асқан адамдар арасында жиі кездеседі, делінген зерттеуде.
Әйелдерге (1,7%) қарағанда, ер адамдар жиі өледі (2,8%).
Зерттеу сонымен қатар, қолданыстағы аурулардың қайсысы өлім қаупін арттыратынын анықтады. Бұл қатарда жүрек-қантамыр аурулары, одан кейін қант диабеті, созылмалы респираторлық инфекциялар және гипертония бар.
