Дүние
Қытай мен Қырғызстан шекарасында жер сілкінді
Төтенше жағдайлар министрлігіне қарасты сейсмикалық стансалар желісі 2 қыркүйек күні жер сілкінісін тіркеді, деп хабарлайды ҚазАқпарат.
Алматы, NEGE. Зілзала Алматы уақытымен сағат 07:06-да болған.
Жерасты дүмпуінің ошағы Алматыдан оңтүстік-шығысқа қарай 253 шақырым қашықтықта Қытай мен Қырғызстан шекарасы аумағында болған.
«Зілзаланың энергетикалық класы 10.8. Магнитудасы - 4.7. MPV. Тереңдігі - 5 шақырым. Сезілгені жайлы ақпарат жоқ», - делінген хабарламада.
Бұған дейін хабарланғандай, қазақстандық сейсмологтар Алматыдан оңтүстікке қарай 426 км қашықтықта Қытай аумағында жер сілкінісін тіркеген.
Сондай-ақ, осыдан екі күн бұрын да Қытай аумағында 4.7 магнитудалы зілзала болған еді.