Дүние
Қытай мен АҚШ «теңіз соғысын» бастады
АҚШ-тың әскери кемелері Қытай үкіметінің қытығына тиіп отыр. Қытай өзімдікі деп санайтын Оңтүстік Қытай теңізіндегі аралдардың маңынан америкалық кемелер екі мәрте жүзіп өтіпті. «АҚШ-ты арандатушы әрекеттерден аулақ болуға шақырамыз. Әйтпесе күптеген салдарларға ұрынуы мүмкін. Оңтүстік Қытай теңізінде Қытай егемендігі талқыланбайды», – деп мәлімдеді Қытай армиясының өкілі.
Алматы, NEGE. «Габриэль Гиффордс» және «Уэйн И.Мейер» атты әскери кемелер Спратти архипелагы, Парасель аралдары маңына таяу барған. Бұл аралдарға Қытай, Филиппиндер, Вьетнам мен Тайвань дауласып отыр. АҚШ әскери теңізшілері Қытайдың қатулануынан ығып отырған жоқ. «Біз барлық халықтарға кепілдік берілген теңіз, әуе кеңістігін заңды пайдаланып отырмыз. Құқықтар мен бостандықтарды сақтауда адалдығымызды көрсетеміз», – деп АҚШ теңіз күштерінің өкілі мәлімдеме жасаған.