Қытай қыздары «өлетін» болды
Қазақтың Димашы мамырда Жапонияға барады. Бұл туралы «tokyo jazz festival 2020» әлемге жар салып жатыр.
Алматы, NEGE. Токио джаз фестивалі 22-24 мамыр аралығында Жапония астанасында өтеді. Бұл – жапон жұрты үшін ең үлкен музыкалық фестивальдердің бірі. Себебі оған әлемнің ең танымал өнер жұлдыздары қатысады. Биыл байқауға 90 мың көрермен келеді деп күтілген.
Ұйымдастырушылар Димаш Құдайберген арқылы қонақтар санын көбейткісі келген тәрізді. Былай қарасаңыз, жапондар қазақты «пайдалана» бастады. Өзгелер өкпелесе, өті жарылып кетсін, Димаш – нөмірі бірінші қазақ. Димаш әлемнің қай бұрышында да ән айтса, халық ұйып тыңдайды. Бірақ... Димаштың қолын ұстауға зәру қытай қыздары қызғаныштан «өлетін» болды. Өйткені бұл жолы Димаш – жапон қыздарының жанарында.