Қытай Қырғызстанды вирустан құтқармақшы
Қытай үкіметі Қырғызстанға COVID-19-ға қарсы вакциналар береді. Бұл туралы ҚХР Елшісі Ду Дэвэнь Бішкекте Қырғызстан СІМ басшысы Руслан Қазақбаевпен кездесуінде мәлім етті, - деп хабарлайды Синьхуа.
Алматы, NEGE. Ду Дэвэнь Қытай мен Қырғызстан тату көршілер және жан-жақты стратегиялық әріптестер екенін атап өтті.
«COVID-19-бен күресте екі ел әрқашан бір-біріне көмек пен қолдау көрсетеді. Қырғыз тарапына эпидемияға қарсы күресте одан әрі қолдау көрсету мақсатында қытай тарапы Қырғызстанға COVID-19-ға қарсы Қытай вакциналарын өтеусіз негізде беруге шешім жасады», – делінген хабарламада.
Оның айтуынша, бұл шешім қытай халқының қырғыз халқына достық қарым-қатынасын көрсетеді, жан-жақты стратегиялық әріптестіктің қытай-қырғыз қатынастарының жоғары деңгейін көрсетеді. Елші вакциналар қырғыз тарапына індетке қарсы тұруға көмектесіп, Қырғызстан халқының денсаулығы мен өмір қауіпсіздігін қамтамасыз етуде оң рөл атқаратынына сенім білдірді.
Өз кезегінде Қазақбаев қырғыз тарапы Қытаймен қарым-қатынастарды дамытуға ерекше мән беретінін және қырғыз-қытай достығын қорғау және нығайту үшін, сондай-ақ екі ел халықтарының игілігі үшін екі ел арасындағы түрлі салалардағы өзара тиімді ынтымақтастықты ілгерілету үшін барлық күш-жігерін жұмсайтынын атап өтті.
Қазақбаев Үкімет атынан Қытай тарапына COVID-19-ға қарсы вакцина ұсыну ниеті үшін ризашылығын білдіріп, Қытай серіктесінің бұл достық шешімі зор қолдауды айғақтайтынын, қос ел халықтары арасындағы берік бауырластық достықты дәлелдейтінін атап өтті.
