Дүние
Қытай экономикасы өсе бастады
Қытайдың мемлекеттік статистика комитеті ел экономикасы екінші тоқсанда 3,2 пайызға өскенін хабарлады.
Алматы, NEGE. Бұл коронавирус індеті басталғалы бергі тұңғыш өсім. Жылдың алғашқы тоқсанында әлемнің ең ірі экономикасының бірі керісінше тоқырап қалған еді.
Қытай экономистері індеттің әлемге жаппай таралуы, халықаралық саяси және сауда-экономикалық ахуалдың нашарлауы Аспанасты елінің экономикасы үшін күрделі проблема тудыруы мүмкін екенін айтады. Дегенмен басым көпшілігі жыл соңында экономиканың жылдық өсімі 2-3 пайыздан кем болмайды деп сенімді болжауда.
Қытай билігі экономиканы қолдау және әлеуметтік тұрақтылықты қамтамасыз ету мақсатында дағдарыстан тұралаған кәсіпорындарғакөмек көрсетті, алым-салықты 1 трлн юаньға кемітті. Инвестициялық жеңілдіктер жасалды.