Дүние
Қытай АҚШ дипломаттарына санкция салды
Қытай үкіметі АҚШ дипломаттарына шектеу шараларын енгізді. Бұл туралы ҚХР СІМ-нің ресми өкілі Хуа Чуньин мәлімдеген. Бұл жауап шара болып отыр.
Алматы, NEGE. Қазан айында Шыңжаңдағы ұйғырлар мен қазақтарға қысым көрсетіп отырғаны үшін АҚШ Қытай саясаткерлеріне виза беруге шектеу қойған.
«АҚШ-тың мемлекеттік департаментінің шектеулеріне жауап ретінде, Қытайда жұмыс істейтін АҚШ елшілеріне де шектеу қоятынымызды хабарладық», – деді Чуньин ханым.
Енді бұдан былай АҚШ елшілігінің қызметкерлері аймақ билігі қызметкерлерімен кездесуі үшін бес жұмыс күні бұрын Қытай СІМ-ін құлақтандыру керек.