Қырымда Ан-26 әскери ұшағы жартасқа соғылып, 29 адам қаза тапты
31 наурыз күні Қырымда Ресей Қорғаныс министрлігінің әскери-тасымалдаушы Ан-26 ұшағы апатқа ұшырады.
Астана, NEGE. Бортта болған 6 экипаж мүшесі мен 23 жолаушының барлығы қаза тапты, деп жазады «РИА Новости» агенттігі.
Басылым дереккөзінің хабарлауынша, Ан-26 ұшағы жартасқа соғылған.
Алдын ала мәлімет бойынша, апаттың себебі – техникалық ақау. Оқиға орнында арнайы комиссия жұмыс істеп жатыр.
Ресей Қорғаныс министрлігі ұшаққа сырттан зақым келмегенін мәлімдеді.
Айта кетейік, кеше Мәскеу уақытымен шамамен сағат 18:00-де әскери-тасымалдаушы Ан-26 ұшағымен байланыс үзілген.
