Кирилл Герасименко үстел теннисінен Париж Олимпиадасына іріктеуден өтті
Үстел теннисінен Қазақстан командасының көшбасшысы Кирилл Герасименко Париж ойындарына квота алды, деп хабарлайды Olympic.kz.
Алматы, NEGE. Герасименко іріктеу кезеңдерінде жинаған ұпайы бойынша Олимпиадаға жолдама иеленді.
Халықаралық үстел теннисі федерациясының жаңарған рейтингінде қазақстандық теннисші құрлықта жолдама алмаған спортшылар арасында бірінші орында тұр.
Айта кету керек, Герасименко өз мансабында үшінші рет Олимпиада ойындарына жолдама алды. Ол бұрын Рио-2016 және Токио-2020 ойындарының қатысушысы болған.