Дүние
Қырғыз-тәжік шекарасындағы қақтығыстан қаза тапқандар саны көбейді
Қырғызстандағы Баткен облысында болған қарулы қақтығыс салдарынан қаза тапқандар саны 36-ға жетті.
Алматы, NEGE. Баткен облысынан сағат 10.00-де алынған жедел ақпарат бойынша тағы 12 қаза тапқан. Олардың денесі Баткен денсаулық сақтау ұйымдарына жеткізілген, – деп жазды tengrinews.kz.
"Денсаулық сақтау министрлігі баспасөз орталығының мәліметінше, Баткен облысында қарулы қақтығыс салдарынан қаза тапқандардың жалпы саны 36-ға жетті. Денсаулық сақтау ұйымдарында зардап шеккен 129 адам бар, оның 7-і амбулаторлық емделуге жіберілді, 79 адам Бішкекке ауыстырылды", –делінген хабарламада.
Еске салайық, екі тарап атысты тоқтату туралы келісімге келгеніне қарамастан, Қырғызстан мен Тәжікстан шекарасында атыс қайта басталды. Тараптар бір-бірін шабуыл жасады деп айыптап жатыр.