Қырғызстанда сайлау үгіті басталды
Қырғызстанның Орталық сайлау комиссиясы парламент сайлауына қатысатын үміткерлер тізімін анықтауды аяқтады. Жогорку Кеңештегі орындарға 15 саяси партия таласады.
Алматы, NEGE. Олар – «Ата Мекен», «Ауғанстандағы соғыс ардагерлері және ұрыс алаңының қатысушылары партиясы», «Бир Бол», «Замандаш», «Мекен Ынтымағы», «Мекенчил», «Ыйман Нуру», «Чон Казат», «Республика», «Реформа», «Ордо», «Мекенім Қырғызстан», «Социал-демократтар», «Биримдик» және «Қырғызстан».
«Актив» және «Бутун Қырғызстан» партиялары тіркеуден өтпеген. Енді 4 қыркүйектен бастап үгіт-насихат жұмысы басталады. Парламент сайлауы 4 қазанда өтеді.
