Қырғызстанда тағы да жойқын сел жүрді (видео)
23 шілде 18:30 шамасында Қырғызстанның Жалалабад облысы Арыстанбап ауылында жаңбырдан кейін жойқын сел жүрді.
Алматы, NEGE. Лай көшкіні ішкі жолды шайып, түрлі техника, көліктер мен ғимараттарға зақым келтірген.
Қырғызстан төтенше жағдайлар министрлігінің мәліметінше, су тасқыны салдарынан бір аурухана, сауда үйі, бес көпір зақымданып, 23 автокөлікті су шайып кеткен.
Зардап шеккендер мен келген шығын жайлы ақпарат нақтыланып жатыр.
Еске сала кетейік, 14 шілдеде Қырғызстанның Ош облысында да толассыз жауыннан кейін өзендер арнасынан шығып, сел жүрген болатын.
