Қырғызстанда ММА шебері Медет Жээналиев қаза болды

Астана, NEGE. Қырғыз басылымдарының полицияға сілтеме жасап хабарлауынша, 12 мамыр күні Ыстықкөл аудандық ішкі істер бөліміне 1995 жылы туған Медет Жээналиевтің хабар-ошарсыз кеткені туралы ақпарат түскен. Ол Бақты-Долоноту ауылындағы демалыс орындарының біріне тоқтаған.

«Ақпаратты тексеру барысында сол күні жағажайда шомылып жүрген төрт қыздың бірі суға бата бастағанда, М.Ж. мен оның досы қызды құтқару үшін көлге секіргені анықталды», – делінген хабарламада.

Қызды аман алып қалғанымен, Жээналиевтің өзі суға батып кеткен. Төтенше жағдайлар министрлігінің сүңгуірлері оның мәйітін келесі күні таңертең тапқан.

MMA шебері Жээналиев 2017-2019 жылдар аралығында төрт жекпе-жек өткізіп, оның екеуінде жеңіске жеткен.