Дүние
Қырғызстан президенті жаңа Конституцияға қол қойды
Қырғызстан президенті Садыр Жапаров 11 сәуірде өткен референдумда қабылданған республиканың жаңа Конституциясына қол қойды.
Алматы, NEGE. Сондай-ақ, Жапаров «Қырғыз Республикасының Конституциясы туралы» Қырғыз Республикасының Заңына қол қойған. Айта кетейік, негізгі Заңның жаңартылған нұсқасын қолдап 79,3 пайыз, қарсы 13,7 пайыз дауыс берген. Қатысқандар саны 36,6 пайыз болған. Шара 11 сәуірде, бір күнде 28 қала мен 420 аймақта жергілікті сайлаумен өтті.
Кейбір қырғызстандық БАҚ пен азаматтық белсенділер Конституция жобасын «ханституция» деп сынға алған, ал Садыр Жапаровты билікті тартып алуға әрекет жасады деп айыптады.