Дүние
Қырғызстан президенті Сауранбай Жиенбеков жоғалып кетті
Қырғызстанның ішкі істер министрінің міндетін атқарушы Курсан Асанов қазір президент Сауранбай Жиенбековтің және әлі күнге дейін отставкаға кетпеген ішкі істер министрі Қашқар Жүнісәлиевтің қайда екенін білмейді, – деп хабарлайды 24.kg.
Алматы, NEGE. Бұл туралы ол бүгін Бішкекте өткен брифингте журналистердің сұрақтарына жауап бергенде хабарлады.
«Шындығында, мен қазір Бішкекте тәртіп орнату мәселелермен айналысып жатырмын. Өздеріңіз көріп отырғандай, кешеден бастап еріктілермен бірге қаладағы жағдайды бақылауға алып, елді тонауға жол бермедік. Біз осы бағытта жұмыс істеуді жалғастырамыз. Жиенбековті және басқаларды іздестірумен өзге құрылымдар айналысады деп ойлаймын», – деді Курсан Асанов.
«Бізге оның орналасқан жері белгісіз. Оны іздеп жатқанымыз жоқ, қазір басқа жұмыс көп. Ең бастысы – тәртіп орнату», – деп жазған РИА Новости Асановтың сөзін.
Айта кетейік, 6 қазанда ішкі істер министрінің бұрынғы орынбасары Курсан Асанов Қырғызстанның астанасы мен ішкі істер министрінің міндетін атқарушы комендант болып тағайындалды.
Кейінірек Қырғызстан президентінің баспасөз қызметі Жиенбеков Бішкекте екенін және жағдайды тұрақтандыру үшін саяси күштермен келіссөздер жүргізіп жатқанын мәлімдеді.