Қырғызстан Президенті елдегі саяси күштерді ақылға келуге шақырды
Қырғызстан Президенті Сооробай Жээнбеков елдегі жағдайды бақылауда ұстап отыр. Бұл туралы мемлекет басшысының баспасөз хатшысы Толғанай Стамалиева мәлім етті, деп хабарлайды Қырғызстанның Кабар агенттігі.
Алматы, NEGE. Қырғыз Республикасының президенті Сооронбай Жээнбеков жағдайды қадағалап, барлық саяси күштердің ел мүддесін өз мүддесінен жоғары қойып, қоғамның жікке бөлінуіне, ел азаматтарын алаңдататын басқа да мәселелердің болуына жол бермейтініне сенім білдірді. Ол елді заң аясындағы өмірге қайтару үшін бар күшін салып отыр. Бірінші кезекте, бұл алдыңғы күндері елде өткен парламенттік сайлау қорытындыларына қатысты. Қырғыз елінің басшысы қалыптасқан жағдайды есепке ала отырып, елдің Орталық сайлау комиссиясына заңбұзушылықтармен байланысты материалдардың барлығын жан-жақты зерттеуге кеңес берді.
