Дүние
Қырғыз депутаты: "Қыздарым тек қазақша сөйлейтін болды"
Қырғызстанның депутаты Нұржігіт Қадырбеков Жогорку Кенеш отырысында қыздарының қазақ тілінде сөйлей бастағанын айтып шағымданды. Бұл туралы Kaktus.media хабарлады.
Алматы. NEGE. Нұржігіт Қадырбеков айтуынша, қыздары тек қазақ тілінде хабар тарататын "Балапан" телеарнасын көріп отырады екен. Сондықтан тілі қазақша шығып, қырғызша сөйлей алмай қалыпты.
"Ал біздің "Баластан" каналымыз жартылай орыс тілінде хабар таратады. Сондықтан балалар мемлекеттік тілді үйренуі үшін телеарнаны толығымен қырғыз тіліне аудару қажет", - деп ұсыныс тастады депутат.