Қоңыр тіршілік кешетін кино жұлдыздар
Кино әлемінде бағы жанған әртістің көпшілігі атақ пен дәулетті өмірді армандай бермейді. Танымалдылықты тыныш өмірге алмастырулары әбден мүмкін. Ендеше, дәл қазір өнерімен өзін мойындатқан әртіс бола тұра, қарапайым тұрмысты таңдаған өнер иелерінің тізімін ұсынамыз.
Оқи отырыңыз: Желтоқсанда қандай фильмдер көреміз?
1. Реннер Джереми танымалдылыққа бірден қол жеткізген актердің бірі. Ол «The Avengers / Мстители», «Wind River / Ветреная река» кинотуындыда сомдаған рөлі оның жолын ашқан.
Аты аталған фильмнен соң белгілі режиссерлардан толассыз ұсыныс түскен. Актер сұхбатының бірінде кино саласына қарағанда құрылыс жұмыстарынан көп ақша табатынын айтқан болатын. Джереми аяқталмаған үйлерді сатып алып, оған жөндеу жұмыстарын жүргізіп, пайда тапқан. Осылайша, актер кино әлемімен қош айтысады. Қызыл, жасыл дүниеге қызықпаған ол қарапайым өмірді таңдаған.
2. «Jumanji / Джуманджи» фильміндегі актер Брэдли Пирс туындыдағы танымалдылығынан кейін киноиндустрия саласында жұмысын тоқтатты.
Ол қызыл кілемде жүріп, түрлі кино премьераларында төбе көрсетудің орнына, жанына жақын іспен айналысып, тыныш өмір сүруді таңдаған. Бүгінде Пирс білдей бір бармен. Тіпті ол бұл кәсіпті меңгергісі келетін жандарды қолдау мақсатында арнайы ұйым құрған.
3. Актриса Никки Блонски «Ugly Betty / Дурнушка» телехикаясы мен «Hairspray / Лак для волос» фильміндегі рөлінің арқасында танымалдылыққа қол жеткізді.
Өмірінің 10 жылын кино саласына арнады. Осы уақыт аралығында тұрақты көрермендерін тапқан актриса кино саласындағы жұмысын тоқтатып, сән салонына жұмысқа орналасуға шешім қабылдайды. Никки визажист саласының маманы атанып, арнайы сертификатқа ие болғаннан кейін өзінің жеке кәсібін бастаған болатын.
4. Көпшілікке «Magnum, P.I. / Частный детектив Магнум» және «Friends /Друзья» телехикаялары арқылы белгілі Том Селлек үлкен қаладан гөрі ауыл өмірін артық көреді.
Оның айтуынша, 30 жыл бойы жеке меншік фермасында авокадо жемісін өсірумен айналысып келеді. Актер қарапайым өмір сүргенді қалайды.
5. «Jurassic Park / Парк Юрского периода» картинасында Лекс Мерфидің рөлін сомдаған Ариана Ричардстың актерлік мансабы ұзаққа созылмады.
Бейнелеу өнері саласында білім алған ол, оқуды аяқтағаннан кейін таңдаулы суретші атанады. Тіпті оның кейбір туындылары Американың белгілі кинорежиссері Стивен Спилбергтің жұмыс орынында ілініп тұрған көрінеді.
6. «The Shining / Сияние» фильміндегі Дэнни Торренстің рөлін сомдау үшін Дэнни Ллойд 5 мың үміткер қатысқан арнайы іріктеуден өткен.
Фильмнен кейінгі жетістігі мен үлкен танымалдылығына қарамастан ол актерлік мансабын тез аяқтады. Бүгінде Дэнни Элизабеттаун колледжінде профессор. Шәкірт тәрбиелеп, 10 жылдан аса уақыт білім саласына үлесін қосып келеді.
7. «Game of Thrones / Игра престолов» телехикаясында Джоффри Баратеон ханзаданың рөлін сомдады.
Туынды жарық көргеннен кейін кино әлемінде жұлдызы жанды. Көпшілік те актерді тек басты рөлдегі фильмдерден көретіндеріне сенімді болған. Алайда, әртіс басқа жолды таңдады. Джек өмірінің камера алдында өткендігін қаламайтындығын айтып, өзінің жеке театр тобымен әлемнің түкпір түкпіріне шығармашылық сапар жасайтынын айтқан болатын. Осылайша өз еркімен кино әлемінен бас тартты.
NEGE.KZ
