Қымбатшылық: Жағдайы төмен отбасыларға мемлекет тарапынан қандай көмек көрсетіледі?
Азық-түлік, қажетті тауарлардың бағасы күн санап өсіп жатыр? Осы жағдайда күнкөрісі төмен, табысы аз отбасыларға қандай көмек көрсетіледі? Nege.kz сайтының тілшісі жолдаған сауалға ҚР Еңбек және Халықты әлеуметтік қорғау министрі Серік Шапкенов Орталық коммуникациялар қызметінде өткен брифингте жауап берді.
«Табысы аз, күн көрісі төмен отбасыларға арнайы атаулы көмек бар. Осының аясында көмек көрсетіп жатырмыз. Қазірдің өзінде 500-ден астам азамат осы көмекті алды. Сонымен қатар, былтырғы жылы 900-ден астам азамат алған болса, оның 600-і бала. Балаға қатысты әлеуметтік көмекті біз былтырғы жылы жаңалаудан өткіздік. Ол арнайы әлеуметтік көмегімізде осы азық-түлік себеттері бар. Оны атаулы әлеуметтік көмек алған жанұяларға үлестіріп жатырмыз», - деді Серік Шапкенов.
Министрдің айтуынша, аталған шара материалдық жағдайы қиын, атаулы әлеуметтік көмек алушы отбасыларға аз да болса көмегін тигізеді.
