Киелі мекен: Қызылорда облысы Жалағаш ауданындағы тарихи-мәдени нысандардың аумағы тазартылды
Қоршаған ортаны қорғау – әрбір азаматтың басты парызы. Осыған орай, Мемлекет басшысының бастамасымен елімізде «Таза Қазақстан» республикалық экологиялық акциясы бастау алды.
Қызылорда, NEGE. Сыр өңірінде де аталмыш бастаманы қолдау мақсатында «Таза Қазақстан - таза аймақ» атауымен игі бастама жалғасын тапты. Аймақ басшысы облыс халқына арнайы үндеу жолдап, экологиялық акцияға белсене қатысуға шақырды. Экологиялық акцияның әр аптасы белгілі бір тақырыптарға арналған болатын. Тиісінше, екінші апта «Киелі мекен» атауымен жалғасып, өңірдегі тарихи-мәдени нысандардың аумағы тазартылатын болады.
Осынау игі шарада Жалағаш ауданындағы киелі нысандардың бірі - Бұқарбай батыр және Ұлы Отан соғысы ескерткішінің аумағы тазартылды. Сонымен қатар, жалағаштықтар кесене аумағына ағаш көшеттерін отырғызып, күл-қоқыстардан тазартты. Бұдан бөлек, аудан аумағында орналасқан тарихи-мәдени ескерткіштер мен музейлер аумағы да толық тазартылды.
Шараға еріктілер, кент тұрғындары, мәдениет және өнер саласының қызметкерлері өз үлестерін қосты.
Қазір оқып жатыр
Бағбандар, жүргізушілер, инженерлер: Тоқаев Түркістандағы саммитке үлес қосқан азаматтарды марапаттады
Депутат Алматыда Hilton қонақ үйін күштеп тартып алу әрекеті жүріп жатқанын мәлімдеді
Банктердің алтын дәуірі аяқталды – экономист
«Астана дәмханаларына ит еті жеткізілген» деген сыбысқа ветеринарлар не дейді?
