Кез келген кәсіпкер жеңілдікпен қаржы алу мүмкіндігіне ие бола алады
Қазақстанда «Бизнестің жол картасы-2025» («БЖК-2025») бойынша салалық шектеулер алынып тасталды, деді
Ұлттық экономика министрлігінің кәсіпкерлікті дамыту департаментінің директоры Шыңғыс Ахметов.
Алматы, NEGE. «Бұған дейін «Бизнестің жол картасы – 2025» бағдарламасының талаптарында экономиканың нақты бір салаларын ғана қолдау қарастырылған еді, яғни салалық шектеулер болатын. Қазіргі таңда ол шектеулер алынып тасталды», - деді Ахметов бейсенбідегі брифингте.
Оның айтуынша, шектеулерді алып тастау «кез келген кәсіпкерлік субъектісі бағдарлама қатысушысы бола алады және жеңілдікпен қаржыландыру мүмкіндігіне ие бола алады» дегенді білдіреді.
