Кейбір санаттағы қазақстандықтар медициналық сақтандыру төлеуден босатылады
2025 жылдың 1 қаңтарынан бастап «әл-ауқат деңгейі нашар» қазақстандықтар жергілікті бюджет қаражаты есебінен сақтандырумен қамтамасыз етіледі, деп мәлімдеді Денсаулық сақтау министрі Ақмарал Әлназарова.
Алматы, NEGE. «Былтыр әлеуметтік кодекс қабылданды және отбасының цифрлық картасы енгізілді. Қазір еңбек және халықты әлеуметті қорғау министрлігі арқылы табысы ең төменгі шекті деңгейден де аз отбасыларды көріп отырмыз. Қазақстан халқы шартты түрде бес санатқа бөлінген. Біз Е санатын аламыз. Ресми мәлімет бойынша мұнда 192 мың адам тіркелген. Осы санат үшін әкімдіктер төлейтін сақтандыру мөлшерлемесін белгілеуді жоспарлап отырмыз», – деді министр.