Кей өңірде ауа райына байланысты ескерту жарияланды
«Қазгидромет» 19 мамыр, дүйсенбіге жасалған ауа райы болжамын ұсынды.
Алматы, NEGE. Синоптиктердің болжауынша, Қазақстанның бірқатар өңірінде жаңбыр, бұршақ жауады, жел күшейеді, найзағай ойнайды, дабылды ескерту жарияланды.
Алматыда күн күркіреп, бұршақ жаууы мүмкін, дауыл тұрып, жел соғады.
Таразда желдің екпіні 15-20 м/с жетеді.
Қызылорда, Ақтөбе, Қызылорда облыстарында өте жоғары өрт қаупі сақталады.
Семей, Ақтау, Жезқазған қалаларында екпіні 15-20 м/с болатын жел соғады, өрт қаупі өте жоғары болады.
Атырау, Ұлытау, Маңғыстау, Түркістан облыстарының кей жерлерінде найзағай ойнап, жел күшейеді, жоғары өрт қаупі сақталады.
Қарағанды, Қонаев қалаларында, Алматы, Абай, Қарағанды, Жамбыл, Атырау облыстарының кей жерлерінде қатты жаңбыр, бұршақ жауады, дауыл соғып, найзағай ойнайды, жел күшейеді, жоғары өрт қаупі сақталады.