Кеше – Олимп, бүгін – Finbet...
Қаржылық мониторинг комитеті
Finbet букмекерлік компаниясының заңсыз іс-әрекетіне тосқауыл қойғанын мәлімдеді. Бұл туралы комитеттің баспасөз қызметі хабарлады.
Алматы, NEGE. «Комитеттің экономикалық зерттеу қызметінің қаржылық мониторинг бойынша тексеруі нәтижесінде Finbet букмекерлік компаниясының заңсыз іс-әрекетіне тосқауыл қойылды. Аталған ұйымның лауазымды тұлғалары Қазақстан Республикасы аумағында ойын бизнесімен заңсыз айналысқан. Құмар ойындарға бәс тігу Алматы қаласы, Шымкент қаласы, Алматы, Атырау, Батыс Қазақстан, Маңғыстау, Павлодар облыстарындағы 43 нүктесінде жасалған» дейді комитет таратқан хабарламада.
Букмекерлік компанияның ғимаратына тінту жүргізген құзырлы органдар күдіктілердің тергеу изоляторына уақытша жабылғанын хабарлады. Комитеттің мәліметіне қарағанда, букмекерлік компанияның жылдық заңсыз табысы 3 миллиард теңгеге жеткен.