3 Ақпан 17:28
Кенішке құлап кеткен автобусты іздестіру жұмыстары уақытша тоқтады
«Майқайыңалтын» кенішінде тереңдігі 3 метр болатын шұңқыр пайда болды. Тау жыныстарын қопарған экскаватор шұғыл түрде жер бетіне шығарылды, деп жазды 24.kz.
Алматы,NEGE.. Жоғары қауіптілікке байланысты кеніште құтқару-іздестіру жұмыстары уақытша тоқтатылды. Бұл туралы облыстық Төтенше жағдайлар департаментінің баспасөз қызметі хабарлаған.
Еске сала кетсек, қаңтардың 4-іне қараған түні «Майқайыңалтын» фабрикасының аумағында жер опырылып құтқарушылар мінген автобус құлап кеткен. Оның ішінде болған төрт адамның екеуі әлі табылмады.
