«Кеңқияк–Құмкөл» арқылы 52 млн тонна мұнай тасымалданды
«Кеңқияк–Құмкөл» мұнай құбыры арқылы 10 жылда 52 млн тонна мұнай тасымалданды, деп хабарлады КазТАГ «ҚазТрансОйл» (ҚТО) АҚ баспасөз қызметіне cілтеме жасап.
Алматы. NEGE. «Отандық МӨЗ-дерге мұнай тасымалдау көлемдері жыл сайын өсіп келеді. Он жылдың ішінде «Кеңқияқ-Құмкөл» арқылы 52 млн тонна мұнай айдалды. Оның ішінде 24 млн тонна – экспортқа, 28 млн тонна – ішкі нарыққа тасымалданды», – делінген сәрсенбіде таратылған хабарда.
Хабарда атап өтілгендей, баста «Кеңқияқ-Құмкөл» мұнай құбырының өткізу қабілеті жылына 10 млн тонна мұнай құраған.
«Қазақстан-Қытай мұнай құбырының екінші кезегі іске қосылып, «Кеңқияқ-Атырау» учаскесінің реверсі жобасы іске асырылғаннан кейін құбырдың өнімділігі жылына 20 млн тоннаға дейін ұлғаяды», – деді ҚТО өкілдері.