Кемелбек Ойшыбаев қызметінен кетті
Кемелбек Ойшыбаев Ақпарат және қоғамдық даму вице-министрі қызметінен босатылды. Бұл туралы
Primeminister.kz хабарлады.
Алматы, NEGE. «Үкімет қаулысымен Кемелбек Бақтығұлұлы Ойшыбаев Қазақстан Республикасының ақпарат және қоғамдық даму вице-министрі қызметінен босатылды», – делінген хабарламада.
Кемелбек Ойшыбаев 1977 жылы Батыс Қазақстан облысында дүниеге келген. Әл-Фараби Қазақ ұлттық университетін, Қазақ гуманитарлық заң университетін бітірген. Сонымен қатар, Geneva Business School (Швейцария) МВА бағдарламасын аяқтаған.
Еңбек жолын 2000 жылы "Интерфакс-Қазақстан" АА" ЖШС корреспонденті болып бастаған.
Әр жылдары коммерциялық құрылымдарда жұмыс істеді.
2015-2016 жылдары "Қазмедиа орталығы" басқарушы компаниясы" ЖШС-де, Ақпарат және коммуникациялар министрлігі жанындағы Орталық коммуникациялар қызметінде басшылық лауазымдарды атқарды.
2016-2017 жылдары "Қазақстан" телерадиокорпорациясы" АҚ басқарма төрағасы.
2019-2020 жылдары "Рухани жаңғыру" қазақстандық қоғамдық даму институты" КЕАҚ басқарма төрағасы.
2020 жылғы маусымнан бастап қазіргі уақытқа дейін ақпарат және қоғамдық даму вице-министрі болды.
Қазір оқып жатыр
Әл-Фарабидегі жол апаты: Zeekr жүргізушісі 10 жылға бас бостандығынан айырылды
ҰБТ басталған алты аптаның ішінде 624 талапкердің нәтижесі жойылған
CTS Астанадағы LRT-ның келесі кезеңіне Қытай биржасынан инвестиция тартыла ма?
Мәжіліс төрағасы Брест қамалы музейіне Хиуаз Доспанованың мүсінін сыйға тартты
