«Келін» телехикаясындағы үнді актері қайтыс болды

Алматы, NEGE. Сидхарт Шукла – Болливудтағы танымал актер, модель. Елімізге «Келін», «Қазақша бизнес» фильмдері арқылы танылған үнді актері Сидхарт Шукла 40 жасында қайтыс болды.
2 қыркүйек күні Мумбай қаласында танымал актер жүрек талмасынан қайтыс болған. Сидхарт Шукланың артында анасы мен екі қарындасы қалды. Ол Болливудтағы танымал  актер, модель және продюсер,  тележүргізуші. Қазақстандық көрермендерге «Келін» телетоптамасындағы Шива рөлімен танылған. Қазақстанға белгілі әзілкеш, актер Нұрлан Қоянбаевтың «Түнгі студия» бағдарламасына қатысқан. Сонымен қатар отандық «Қазақша бизнес» фильміне түскен.

Twitter қолданушылары танымал актер туралы естеліктер жазып жатыр.