Келесі жылы зейнетақының орташа мөлшері 130 мың теңге болады
Еңбек және халықты әлеуметтік қорғау министрі Светлана Жақыпованың айтуынша, базалық зейнетақы төлемі ұлғайып келеді. Биыл базалық зейнетақының ең төменгі мөлшері ең төменгі күнкөріс деңгейінің 54%-дан 60% дейін артты.
Алматы, NEGE. «Келесі жылдан бастап біз ең төменгі шекті тағы 5% көтереміз. Инфляция деңгейіне индекстеу жүзеге асырылады. 1998 жылғы 1 қаңтарға дейінгі еңбек өтілі үшін төленетін ынтымақты зейнетақы және 2024 жылғы 1 қаңтарда тағайындалған төлемдері бар барлық зейнеткерлерге индекстеу 7%, инфляция деңгейінен 2%-ға оза отырып жүргізіледі. Жалпы 9%-ға», - деді еңбек және халықты әлеуметтік қорғау министрі ОКҚ алаңында өткен баспасөз конференциясында.
Зейнетақының орташа мөлшері келесі жылы шамамен 130 мың теңге болады.