ҚБТУ-дағы өртті сөндіруге қатысқан қызметкерлер марапатталды
Алматыда Қазақстан-Британ техникалық университетінің ғимаратындағы өртті сөндіруге қатысқан қызметкерлерді салтанатты түрде марапаттау рәсімі өтті.
Алматы, NEGE. Өрт сөндірушілерге қызметтік міндетін адал атқарғаны үшін «Өртте көрсеткен қайсарлығы үшін» медалі табысталды.
Айта кетейік, қаңтардың 11-нен 12-сіне қараған түні ғимараттың шатырынан өрт шығып, мәжіліс залы мен бірнеше әкімшілік бөлмеге зақым келген.
120 шаршы метр аумақты алған қызыл жалын 3 сағатта толық сөндірілді.
