19 Маусым 17:40
...
ҚазҰУ аумағында 17 жастағы жігіт қайтыс болды
Алматыдағы әл-Фараби атындағы Қазақ ұлттық университетінің аумағында жас жігіт қайтыс болды.
Алматы, NEGE. ҚазҰУ аумағындағы орталық субұрқақтың жанынан жас жігіттің денесі табылды. Алдын ала мәлімет бойынша, марқұм 2007 жылы туған талапкер.
Қазіргі уақытта жас жігіттің кім екені және оның қандай жағдайда қайтыс болғаны анықталып жатыр. Алдын ала болжам бойынша, жас жігіттің өліміне жүрек тоқтауы себеп болуы мүмкін. Оқиға орнында тәртіп сақшылары, дәрігерлер мен сот-медициналық сарапшылар жұмыс істеуде.
«Аталмыш факті бойынша тергеу басталды. Сот-медициналық сараптама тағайындалды», - деп жауап берді Алматы полиция департаментінің баспасөз қызметі.
Қайтыс болған жігіттің университет студенті емес екені хабарланды.
