«Қазпошта» филиалы директорының орынбасары ұсталды
Павлодарда «Қазпошта» филиалы директорының орынбасары ұсталды, деп хабарлады Сыбайлас жемқорлыққа қарсы іс-қимыл агенттігінің Павлодар облысы бойынша департаментінің баспасөз қызметі.
Алматы, NEGE. Павлодар облысы бойынша сыбайлас жемқорлыққа қарсы күрес органы «Қазпошта» АҚ ішкі қауіпсіздік қызметінің көмегімен сыбайлас жемқорлық қылмыс жасады деген күдік бойынша «Қазпошта» АҚ Павлодар облыстық филиалы директорының орынбасары ұсталып, қамауға алынған.
Ол мердігер ұйым өкілінен орындалған жұмыстар актілеріне кедергісіз қол қойғаны үшін 2 000 000 теңге сомасында пара алды деп күдікке ілінді.
Күдіктінің кінәсі туралы түпкілікті шешімді сот қабылдайды.
