«Қазмырыш» экологиялық технологиялар мен цифрландыруға 108 млрд теңгеден астам инвестиция салуды жоспарлап отыр
«Қазмырыш» компаниясы алдағы 10 жылда стратегиялық даму шеңберінде газдарды тазарту мен шаңды ұстаудың заманауи технологияларын енгізу бойынша жобаларды жүзеге асыруға ниетті.
Алматы, NEGE. Табиғатты қорғау іс-шараларына инвестициялардың жалпы көлемі 108 млрд теңгеден асады. Бұл туралы Үкімет отырысында кәсіпорынның бас директоры Жанат Жанботин мәлімдеді. Өткен жылы компанияда уәкілетті органдарға нақты уақыт режимінде деректерді беруді қамтамасыз ететін шығарындыларды бақылаудың автоматтандырылған жүйесі іске қосылды. Тұрақты ESG есептілігін енгізу мүмкіндігі қарастырылуда.
Цифрландыру саласында металлургия өндірісінде өнеркәсіптік қауіпсіздікке, тау-кен жоспарлауға, модельдеуге және талдауға байланысты бірқатар шешім жүзеге асырылды.
Негізгі жобалардың бірі «OneApp» платформасы — өндірістік үдерістердегі ауытқуларды басқаруға арналған ақпараттық жүйе болды. Сонымен қатар басқаруды арттыру және операциялық тәуекелдерді азайту үшін өндірістік активтерден үлкен деректерді жинау және талдау жұмыстары жүргізілуде.