Спорт
Қазыбек Қалмағамбетов грек-рим күресінен әлем чемпионы атанды
Күрес түрлерінен Словакияның Братислава қаласында өтіп жатқан U20 әлем чемпионатында Қазыбек Қалмағамбетов Қазақстан қоржынына алтын медаль салды.
Астана, NEGE. Грек-рим күресінен 67 келіге дейінгі салмақта өнер көрсеткен Қазыбек Қалмағамбетов финалда Беларусь өкілі Михаил Марковскиймен кездесті. Отандасымыз қарсыласын 13-7 есебімен жеңіп, алтыннан алқа тақты. Бұл Қазақстан құрамасының әлем чемпионатындағы алғашқы жүлдесі болды.
Қазыбектің әлем чемпионатындағы жолы:
- Іріктеу — Себастьян Вагнер (Германия) – жеңіс;
- 1/8 финал — Амрин Наттер (АҚШ) – 1:1, қосымша көрсеткіш бойынша жеңіс;
- Ширек финал — Мохамед Абдельрахим (Мысыр) – 4:1;
- Жартылай финал — Петро Житовоз (Мажарстан) – 7:5;
- Финал — Михаил Маркоуски (Беларусь) – 13:7.
Қазыбек Қалмағамбетовтің алғашқы жаттықтырушысы Муқанбетжан Зарлықов болса, жеке бапкері Нұртас Өтепбергенов.