ҚазГидроМет ескертеді!
«24-25 қаңтар аралығында Нұр-Сұлтан қаласы мен Ақмола облысының кей өңірлерінде және Жамбыл облысында дауылдан ескерту жарияланды», деп хабарлайды «Қазгидромет» РМК баспасөз қызметінен.
Астана, NEGE. «Нұр-Сұлтан қ.: 24 қаңтарда қар, бұрқасын, оңтүстік-батыстан соғатын жел 15-20 метр/секундына, түнде екпіні 23 метр/секундына сақталады. 24-25 қаңтарда Жамбыл облысының кей жерлерінде оңтүстік-батыстан және батыстан жылдамдығы 15-20 метр/секундтық жел соғады, 24 қаңтар күндіз, 25 қаңтарда түнде екпіні 23-28 метр/секунд, облыстың оңтүстік-батысында 30 метр/ссекунд болатын және одан да күшті боран соғады деп болжануда. Кей жерлерде тұман, көктайғақ, жаяу бұрқасын болуы ықтимал», – дейді бейсенбіде таратылған хабарда.
Дауылды ескертудің ықтималдығы 90-95% көрсеткішке тең.