Қазгидромет 1 шілдеге арналған ауа райы болжамын жариялады
Бүгін республика аумағының басым бөлігінде найзағай ойнап, жаңбыр жауады. Батысында, солтүстігінде, шығысында бұршақ жауады.
Алматы, NEGE. Ал шығыста дауылды жел соғып, қатты жаңбыр жауады. Тек республиканың оңтүстігінде, оңтүстік-шығысында ауа райы жауын-шашынсыз болады.
Сондай-ақ түнде және таңертең Қазақстанның солтүстігі мен солтүстік-батысында жел күшеюі мүмкін.
Астанада күн бұлтты, найзағай ойнап, жауын жауады. Ауа температурасы +26+28°С. Желдің жылдамдығы түнде 3-8, күндіз 9-14м/с.
Алматыда күн ала бұлтты. Күндіз ауа температурасы +31+33°С. Желдің жылдамдығы 3-8 м/с.
Шымкентте күн ала бұлтты. Күндіз ауа температурасы +35+37°С. Желдің жылдамдығы 8-13 м/с.