USD
USD
USD

Қазбек Бейсебаев: Билік пен партия егіз ұғым емес

Билеуші «Нұр Отан» партиясы төрағасының бірінші орынбасары Бауыржан Байбектің Мақтарал ауданына барып, зардап шеккен жергілікті ауыл тұрғындарымен кездескенін БАҚ жазды.

Қазбек Бейсебаев: Билік пен партия егіз ұғым емес
Фото: NEGE.kz

Әрине, төтенше жағдай туындап, жұрт дүрлігіп жатқанда билеуші партия тыс қала алмайды. Бірақ партия басшысының (мейлі, ол билеуші партия болса да) бұл сапарын БАҚ мемлекеттің лауазымды тұлғасы барғандай насихаттап жатыр. Тіпті «Нұр Отан» төрағасының орынбасары салынатын үйдің іргетасын қалай құйып жатқанын көрсетті.

Одан кейін партия төрағасының орынбасары Түркістан облысы әкімімен бірге отырып, «жедел штабтың отырысын өткізгені, онда аса түйткілді мәселелер талқыланғаны, инфрақұрылымды қалпына келтіру сөз болғаны» туралы жазды.

Мұны қалай түсінуге болады?

Егер партия төрағасының орынбасары «Нұр Отанның» облыстық филиалы басшысымен кездесіп кеңес өткізсе, мұны түсінер едік. Егер солай болса, солай деп жазсын.

Олай болмаған соң билеуші партияның басшысы мемлекеттік органның облыстық өкілдерімен кездескен болып шығады.

Ұмытқандардың есіне салып қояйын, Конституция бойынша билік пен партия егіз ұғым емес.

Қысқасы, күзге қарай парламент сайлауының науқаны басталады. Сол үшін билеуші партия өзін ұмыттырмауы керек.

Фейсбук парақшасынан.

Қазір оқып жатыр

Астанада тұмау мен ЖРВИ жұқтырған 300-ден астам адам ауруханаға түсті

грип

Татьяна Ким Wildberries бас директоры қызметінен кетті

Вайлберрис

Словакияда адам ұрлады деген күдікпен төрт қазақстандық ұсталды

.

Суреттер үшін туған әпкесін өлтірді ме? Әзербайжанда 18 жастағы жігіт ұсталды

.