Дүние
Қазақтардан Кенесарының өлімі үшін кешірім сұраған қырғыз әншісіне айыппұл салынды
Қырғыз әншісі Қайрат Пірімбердиевке қазақтардан Кенесары ханның өлімі үшін кешірім сұрағаны үшін 100 мың сом айыппұл салынды.
Алматы, NEGE. Әнші Facebook парақшасында бүгін сот оның үстінен Қырғыз Республикасының Қылмыстық кодексінің «Нәсілдік, ұлттық, діни немесе аймақаралық араздықты қоздыру» бабы бойынша 100 мың сом (шамамен 588 516 теңге) айыппұл салғанын мәлімдеді.
Қырғызстанның арнайы қызметі әнші Қайрат Пірімбердиевті қамауға алған болатын. Оның үстінен «Қырғыз Республикасы Қылмыстық кодексінің «Нәсілдік, ұлттық, діни немесе аймақаралық араздықты қоздыру» бабы бойынша іс қозғалды.
Еске салайық, 2025 жылдың қаңтар айының басында қазақстандық «Айран Медиа» жобасы қырғыз-қазақ қарым-қатынасына арнайы шығарылым арнаған болатын. Бағдарламада қырғызстандық әнші Қайрат Пірімбердиев сұхбат берген еді. Ол бағдарлама барысында қырғыздың Ормон ханы қазақтың ханы Кенесарының басын алғаны үшін қазақтардан өз атынан кешірім сұрады.