28 Шілде 13:55
...
Қазақстанның бес облысында құрғақшылық болады
Қазақстанның бес облысында құрғақшылық болуы мүмкін, деп хабарлады «Қазгидромет» РМК баспасөз қызметі.
Алматы, NEGE. «Қызылорда облысының Қармақшы ауданында, Маңғыстау облысының Қарақия және Маңғыстау аудандарында құрғақшылық болады деп болжанып отыр. Сондай-ақ, Ақтөбе облысының Әйтеке би және Мұғалжар аудандарында, Қарағанды облысының Нұра ауданында, Қостанай облысының Амангелді және Жангелді аудандарында жауын-шашынсыз болады»,- делінген хабарламада.
Сонымен қатар, Ақтөбе облысының солтүстік және батыс бөлігінде, Атырау облысының Қызылқоға ауданында, Батыс Қазақстан облысының Сырым, Казталов және Ақжайық аудандарында керісінше жауын-шашын мол түседі. Сондай-ақ Алматы облысының Панфилов және Кербұлақ аудандары да ылғалдан кенде болмайды.
