Қазақстанның бастамасымен БҰҰ 2026 жылды халықаралық еріктілер жылы деп жариялады
Бұл туралы Сыртқы істер министрлігінің баспасөз қызметі хабарлады.
Алматы, NEGE. «Халықаралық еріктілер жылын жариялау туралы бастаманы ҚР Президенті Қасым-Жомарт Тоқаев БҰҰ мінберінен 2020 жылы Бас Ассамблеяның 75-сессиясының жалпы саяси пікірталасы барысында көтерді. Қазақстан бұл қарарды әлемнің барлық аймағынан пікірлес елдерімен – Армения, Боливия, Германия, Кения және Кирибати мемлекетімен бірлесіп ұсынды. Бұл құжаттың тең авторлығына БҰҰ-ға мүше 54 мемлекет қосылды», - делінген хабарламада.
Президент бастамасымен 2020 жыл елімізде Еріктілер жылы болып жарияланып, Қазақстанда волонтерлік қызметті дамытудың 2021-2023 жылдарға арналған Жол картасы қабылданды. Қабылданған шаралар нәтижесінде еліміздегі еріктілер саны 200 мың адамға жетті. Қазақстандық жастар әлемнің бірқатар елінде БҰҰ-ның волонтерлері ретінде қызмет етуде.