Қазақстанның 20 миллионыншы тұрғыны атанған бес балаға 2 млн теңгеден беріледі
Қаражатты «Отбасы банкі» бөледі. Қаржылай сертифкатты баспана алуға жұмсай алады.
Алматы, NEGE. «Отбасы банкі» еліміздің 20 миллионыншы тұрғыны атанған балалардың болашағына да өз үлесін қосқысы келеді. Біз оларға әрқайсысы 2 миллион теңге номиналды құны бар сыйлық сертификатын сыйлаймыз. Бұл сертификат жай ғана сыйлық емес. Ол – жарқын болашаққа жолдама. Бұл қаражат жеке баспана сатып алудың алғашқы қадамы болады», - деді басқарма төрағасы Ләззат Ибрагимова ОКҚ алаңында өткен баспасөз мәслихатында.
Ата-аналар оны алу үшін жергілікті банк филиалдарына барып, жеке куәлігі мен баланың туу туралы куәлігін көрсетуі керек.
«Өздерінің және баланың туу туралы куәлігін көрсетуі тиіс. Немесе видеобанкинг арқылы да хабарласуына болады. Ол үшін ата-аналарға 3 ай уақыт беріледі»,- деді Ләззат Ибрагимова.
